CAGAYAN DE ORO CITY – Wala matago sa social media netizens ang ilang emosyon sa nakit-ang kabayo nga gipasunod sa iyang tag-iya nga nagsakay sa sakyanan sa Gingoog-Claveria road sa Misamis Oriental.
Kini human unang gitoohan sa kadaghanan nga gipaguyod sa sakyanan ang maong kabayo padulong sa destinasyon nga gustong padul-an sa tag-iya niini.
Nag-trending kini nga isyu ug natawag ang atensyon sa Philippine Animal Welfare Society (PAWS) tungod sa videos nga gi-upload nila Cheryl Lacar ug Vincent Piscos nga giingong saksi sa maong panan-awon sa nahisgutang lungsod.
Nagsulti ang ubang netizens nga adunay obligasyong-legal ang tag-iya tungod sa paagi nga pagtratar sa maong kabayo.
Apan wala pa masayri kung unsa pud ang katarungan ug pagpasabot sa tag-iya kabahin sa maong tratamento sa kabayo niini.
