Nabahin ang reaksiyon sa social media netizens sa facebook post ni Department of Interior and Local Government Secretary Benhur Abalos.
Kini human unang nagpost si Abalos sa “breaking news” sa pagkadakop kang Kingdom of Jesus Christ Church Founder Pastor Apollo Quiboloy.
Naputos sa pangutana ang post ni Abalos kung nasikop ba o mitahan ang wanted person nga pastor.
Una niini, nakadawat sa pagdayeg sa netizens ang ma-ampingong tubag sa prensa ni Police Regional Office – 11 Director Brigadier General Nicholas Torre III.
Kini human wala nila kompirma ang pagsikop kang Quiboloy apan nahukman nga si Abalos ang muhatag katin-awan sa iyang social media post.
Sa pikas bahin, gikompirmar ni Philippine National Police Chief General Rommel Marbil ang paghupot kang Quiboloy ug pagsulod kanila sa PNP custodial facility apan wala kini miyawit nga siya gisikop, sukwahi sa rebelasyon sa liderato sa DILG.(Bombo Anne Quileste).
