CAGAYAN DE ORO CITY – Gipaubos una sa subsob nga pagbansay-bansay ang bag-ong mga napili nga elected city councilors gikan sa una ug ikaduhang distrito sa syudad.
Kini sa tuyo nga kalikayan nga magkalisod ang daghang bag-ong mga konsehal sa ilang partisipasyon sa umaabot nga mga sesyon sa 21st city council sa dakbayan.
Matud ni re-elected City Vice Mayor Jocelyn ‘Bebot’ Rodriguez nga angayang makat-on sila kabahin sa parliamentary procedure, committee hearings ug uban pa nga buluhaton sulod sa konseho alang sa tulo ka tuig nila nga serbisyo sa katawhan.
Siya miingon nga maoy gusto niya nga maantigo sa deliberasyon,magtoon ug molambigit sa init nga mga diskusyon sa plenaryo nga gihatagan niya sa demokrasya.
Kini tungod kay dili gusto nga mahimong mga amang ang mga sakop sa konseho apan magbaton sa kaugalingong baruganan kabahin sa mga isyu nga nagsentro sa ikaayo sa dakbayan.
Sa pagsugod ni Rodriguez sa konseho,nagsilbi kining sakop sa oposisyon apan nahatagan sa higayon sa katawhan nga mahimong bise-mayor sa magkalahing termino rason nga dili niya gusto nga masinatian ang mga pagpihig kaniadto sa ilang panahon.
Hisayrang langkuban sa super majority ang konseho sa dakbayan kay tulo lang gikan sa pikas bando sa politika ang nakalusot nga magsilbi nga minoriya sa mga diskusyon sa mga sesyon sa hangtod tuig 2028.
