CAGAYAN DE ORO CITY – Gihagit ni Police Regional Office 10 Director Brig Gen Jaysen De Guzman ang pipila ka bag-ong pulis nga nagsaka na ang ranggo nga dili usikan ang higayon nga sila gihataga’g taas nga pag-ilan sa Philippine National Police.
Kini tungod kay Nakita sa PNP headquarters ang paningkamot ug mga sakripisyo sa promoted commissioned officers aron sila ilhon ang ilang mga tinguha sa serbisyo.
Miingon si De Guzman nga sa matag-saka sa ranggo,anaa usab ang dakong kaakuhan aron panalipdan ang propesyon,organisasyon ug ang paghatag sa igong serbisyo sa katawhan sa nasud.
Gihimo sa heneral ang mensahe tungod sa nahatag nga promosyon ranggo nila ni Police Lt Col. Cadapi Dansal gikan sa Lanao del Norte Police Provincial Office; Lt Col Jenrech Hilot sa Misamis Occidental Police Provincial Office; Lt Col Erwin Naelga sa Bukidnon Police Provincial Office.
Apil usab si Lt Col Rogie Ortencio,acting deputy chief sa Regional Comptrollership Division 10 ug Lt Col Cesar Sumapig Jr nga nagsilbing acting deputy chief sa Regional Logistics and Research Development Division 10.Gihimo ang pagtunol sa ilang promosyon sa Camp Alagar ning syudad.
