CAGAYAN DE ORO CITY – Wala na mapadayon sa upat ka managhigala ang ilang “friendship goal” nga mamuhunan pinaagi sa pagpayuhot sa shabu.
Nunot kini sa pagbungkag sa mga operatiba sa Tagaloan Municipal Police Station sa drug den sulod sa balay sa target suspek nga si Chatto Flores, 33 anyos, dunay kapuyo ug residente sa Zone 3 Poblaccion,Tagoloan, Misamis Oriental.
Namahayag si Police Major Rogelio Manalang, hepe sa Tagoloan Municipal Police Station nga sapon sab nila sa akto nga nagpot session sulod sa balay ni Flores sila Freddie Jampit Jr., 31 anyos, taga Zone 5 Lagnasan Poblaccion, Benjie Bernardino 37 anyos ug ang 26 anyos nga si Mark Macabuac nga taga Zone 7 ug 11 sa Natumolan, Tagoloan.
Unang milusad sa drug buy bust ang team ni Major Manalang kundiin napalitan nila ang ilang target nga si Flores sa usa ka pakete sa shabu sa balor P500.
Narekober sa posisyon sa uban pang suspek ang pito ka pakete sa shabu, duha ka ginamit nga foil, laing duha ka linukot nga foil, mga disposable lighters, improvised needles ug laing pakete nga dunay residue sa gituhoang shabu.
Silang tanan pasak-an sa kasong paglapas sa RA 9165 o Dangerous Drugs Act of 2002 karong adlaw’ng Lunes.
