CAGAYAN DE ORO CITY-Gi-regular na sa National Food Authority o NFA matag-semana ang pagbaligya’g bugas mismo sa ilang buhatan sa Brgy Tabon ug Brgy Patag ning syudad.
Kini aron masiguro nga mabaligya sa tag-lima ka kilo ang NFA rice ngadto sa katawhang kabus nga di makasugakod sa mahal nga presyo sa commercial rice.
Miingon si NFA regional spokesperson Hazel Belacho nga hangtod nga dili mahimong stable ang supply sa maong bugas sa mga merkado, ipadayon usab nila ang direktang nga pagbaligya niini sa katawhan.
Sa sunod semana, mohatag katin-awan ang NBI-10 sa city council kon tinood ba ang report nga gipangtaguan sa pipila ka negosyante ang NFA rice aron ibaligya’g mahal ngadto sa katawhan.
