CAGAYAN DE ORO CITY-Ipatawag sa konseho ang National Food Authority o NFA-10 ug ang commercial sector nga nag-supply sa bugas ning syudad.
Kini aron masuta kon tinud-anay nga may nahitabo nga krisis gumikan sa pag-ubos sa NFA rice suplay sa kapi’g usa na ka bulan.
Miingon si NFA regional director Fernando Nunez nga mismo ang komitiba sa trade and commerce sa konseho ang mangayo’g katin-awan ilabina kon may mga posibleng rice hoarding nga nahitabo sa dakbayan.
Dumduman nga halos wala na’y mapalit nga NFA rice ang publiko tungod sa kanipis sa suplay niini dinhi sa rehiyon.
