CAGAYAN DE ORO CITY-Gilusad sa National Food Authority ang ilang ‘NFA Bigasan’ sa tibook nasud.
Matud ni NFA-10 spokesperson Hazel Belacho nga mao kini ang ilang gihimo nga lakang nunot na sa pagsaka sa presyo sa bugas.
Dugang pa niini nga ila usab gi-doble ang alokasyon sa bugas sa matag accredited retailers sa ilang buhatan.
Giangkon usab ni Belacho nga adunay retailers nga ilang nasapon nga gasagol ilang bugas ngadto sa commercial rice.
Tumong niini nga modako ang ilang kita sa pagpamaligya’g bugas.
Si Belacho miingon nga ila nang gikuhaan sa lisensya ang mga badlongon nga negosyante.
Asoy niini nga ila usab gibantayan ang mga retailers nga ga-overpriced sa bugas.
