CAGAYAN DE ORO CITY – Igo pa ang supply sa bugas sa Northern Mindanao.
Gi-breifing ni NFA-10 Regional Director John Robert Hermano ang mga miyembro sa ahensya kalabot na sa milling operation sa palay nga napalit sa ahensya aron himoong bugas.
Kini ang gikompirmar ni Hazel Belacho, spokesperson National Food Authority – Regional 10.
Sa interbyu sa Bombo Radyo, gibutyag ni Belacho nga bag-o lang nahuman ang harvest season ug ang labing daghang ani sa humay nahitabo sa ulahing quarter sa 2019.
Namugos ang tigpamaba sa ahensya nga taas pa ang inventory sa ilang mga bodega (NFA warehouses) ug bastante sab ang ilang buffer stock sa rice ug palay alang sa rice requirement sa BJMP, BFP, PNP ug uban pang govt agencies.
Sa pagkakaron, gibutyag sa tigpamabaha nga kung mahinayon, gipangandaman sab sa ahensya ang pagpang-apud sa mga bugas para sa 4Ps benefiaciaries.
“As to local rice, priority sa namo ang buffer stocking for food security ug ubang requirements sa govt agencies. Amo pa pud gipangandaman ang implement sa 4P’s nga ang NFA na ang magdistribute. Daku ni siya nga rice requiremnt nga kailangan namo maapas. Again, to avoid confusion to NFA rice retailers and regular consumers, as well, gahulat pa mi mando kun padayunon ba ang amoang pagpamaligya NFA rice sa kamerkaduhan nga local rice na ang ipamaligya,” matud ni Belacho.
Dugtong niini, dili na kinahanglan magpadala sa bugas ang ahensya sa Batangas province.
Miingon si Belacho nga igo pa ang supply sa bugas sa Luzon, NCR ug sa Calabarzon busa dili na kinahanglan nagpadala pa ang NFA-10 para sa mga evacuees sa Taal Eruption.
“As to market participation sa NFA , that is, availability of NFA rice sa kamerkadohan, gahulat pa kami ug instruction gikan sa head office. Sa RA11203, buffer stocking naman lang gud ang amo mandate. Gipahurot lang ang imported rice busa pahurotay na sab ang NFA rice sa ato kamerkaduhan”, ingon ni Belacho.
