CAGAYAN DE ORO CITY-Dili maka-kompirmar ang National Food Authority o NFA-10 kon dunay mga negosyante nga mihimo’g rice hoarding hinugndan nagsaka ang presyo sa bugas dinhi sa syudad.
Kini human unang nag-abot sa 50 pesos pataas ang matag-kilo sa bugas gumikan sa giingong pagkulang sa suplay niini.
Miingon si NFA regional spokesperson Hazel Belacho nga wala pa sila’y nadawat nga report kabahin sa mga negosyante nga mihimo niini.
Gihulat usab nila ang opisyal nga report gikan sa NBI-10 nga gitahasan sa pagsuta kon dunay mga negosyante nga nagtago sa mga bugas aron ibaligya’g mahal ngadto sa mga konsumante sa dakbayan.
