Gipamugos ni Senador Rodante Marcoleta nga si kanhi Speaker Martin Romualdez ang usa sa gi-ingong utok sa pag-apud-apud sa pondo nga lang unta sa flood contro projects sa Department of Public Works and Highways (DPWH).
Miingon si Marcoleta nga kinahanglan motubag sa Senate Blue Ribbon Committee inquiry si Romualdez kay gi-apil siya sa listahan sa mga gi-akusaran nga utok sa pagpangurakot sa pondo alang sa flood control.
Mahinumduman nga nagpadayag sa video message si Romualdez nga dili kono siya mahimong “scapegoat” sa kontrobersiya kay “dili siya molubog nga mag-inusara” .
Gumikan sa maong mga linya, gusto ukayon ni Marcoleta ang maong mensahe kay kini seryoso nga “pronouncement” gikan mismo kang Romualdez, gawas pa sa pagsulti ni Ombudsman Jesus Crispin Remulla nga usa si Romualdez sa ilang gi-imbestigaran nga utok sa pagkawat sa pondo sa DPWH.
