Giklaro ni Mae Curiano gikan sa National Grid Corporation of the Philippines (NGCP)ang hinungdan sa pagsaka sa bayronon sa kuryente bisan pa man sa pag-decline sa transmission rate karong bulan sa Hunyo.
Subay sa iyang pamahayag sa bombo radyo, ang maong pag-ubos sa rate nagagikan sa pagkunhod sa transmission wheeling rates ug sa ancillary services rates.
Gitin-aw ni Curiano nga ang transmission wheeling rates mao ang bayranan sa paghatod og kuryente gikan sa mga planta ngadto sa mga electric cooperatives ug distribution utilities sa tibuok nasod.
Dugang pa niini, gihisgutan niya nga ang ancillary services rates maoy nag-cover sa gasto gikan sa reserve market nga gigamit aron mapabilin nga stable ang grid kon adunay power supply demand imbalances.
