Gihimakak sa National Grid Corporation of the Philippines ang pasangil nga napakyas sila sa pagsumitir og mga ulat ngadto sa mga ahensya sa enerhiya kabahin sa sunod-sunod nga pag-trip sa ilang mga transmission line.
Matod pa ni NGCP President at CEO Anthony Almeda, duna silay gipadala nga SMS ug email advisories ngadto sa Department of Energy ug Energy Regulatory Commission dayon human sa malawakang brownout niadtong Mayo 13.
Tungod sa maong insidente, seryoso karon nga gitutukan sa kompanya ang imbestigasyon aron masuta ang tinuod nga hinungdan sa problema.
Busa, wala pa nila giwagtang ang posibilidad nga dunay sabotahe sa mga pasilidad hinungdan nga nangayo na sila og tabang sa kapulisan.
Sa kasamtangan, nagpabilin ang hugot nga koordinasyon sa ilang buhatan uban sa mga awtoridad aron masiguro nga mahatagan og kasulbaran ang maong isyu sa kuryente.
