Nangandam na ang National Grid Corporation of the Philippines kon NGCP sa ilang mga linya ug pasilidad aron mapabilin ang pagbalanse sa supply ug panginahanglan sa kuryente sa Mindanao taliwala sa grabeng kainit.
Gisaysay ni NGCP Mindanao Spokesperson Mae Roselle Curiano nga padayon ang ilang pakigtambayayong sa Department of Energy, mga generator, ug distribution utilities alang sa maong mga lakang.
Bahin sa kabalaka sa posibleng blackout, gitin-aw sa opisyal nga igo ra silang nagapadala ug nagahatag sa kuryente gikan sa mga power plant ug dili sila ang nagahimo niini.
Taliwala niini, gipasalig sa kompanya nga paningkamotan nilang magpabiling andam ang kinatibuk-ang transmission network aron malikayan ang pagkaputol sa serbisyo.
