DUGONG BOMBO UPDATE:
CAGAYAN DE ORO CITY-Sayod ang kadagkuan ug staff sa regional office 10 sa National Irrigation Authority o NIA kon unsa ka bililhin ang dugo panahon sa katalagman.
Gihimo ni Engr Elmer Patindol, project engineer NIA-10 ang pahayag human kanunay sila aktibo sa panahon nga maigo sa kalamidad ang Amihang Mindanao.
Gi-angkon ni Patindol nga nagkanipis ang ihap sa ilang mga sakop apan paningkamutan nga makadala sa mga paryente ug higala aron hiniusang magdonar sa dugo agig tabang sa mga manginahanglan.
Gikalipay sa NIA nga dunay susama sa Bombo Radyo Philippines Network nga nag-una sa paglusad sa nationwide nga bloodletting project matag-tuig aron maka-abag sa blood bank sa nasud.
