CAGAYAN DE ORO CITY – Igahin ni Ms Grand Philippines title holder Nikki Advincula De Moura ang iyang atensyon nga walay bisan unsa nga disturbo alang sa subsob nga trainings alang sa tahas nga representahan sa international stage ang Pilipinas sa Vietnam sa Oktubre ning tuiga.
Kini maoy pasalig sa 19 anyos nga Cagayan de Oro beauty queen aron tubagon ang kauhaw sa korona sa Pilipinas sa Ms Grand International o MGI.
Gihimo sa Filipina-Brazilian blooded nga si Nikki ang pasalig atol sa iyang pag-atubang sa media sa meet and greet sa SM Downtown ning syudad kagahapon sa hapon.
Siya miingon nga bintaha kaniya ang pagsilbing dancer nang daan kay dako sa porsiento sa MGI performance ang dagha’g physical activities.
Siya namahayag nga buhaton niya kutob sa iyang mahimo ilabina nga wala pa sukad nakabaton sa korona ang Pilipinas sa MGI.
Hisayrang sa dul-an 10 ka tuig nga pag-apil sa Pilipinas sa MGI,pirmi na lang sa 1st runner up ang makuha niini ug wala sukad ang pinakataas nga korona.
