CAGAYAN DE ORO CITY-Nagdumili pag-release ang National Meat Inspection Service o NMIS -10 sa kapi’g milyong balor sa 21 ka karneng manok nga gipanag-iya sa pamilyang Unabia ning lalawigan.
Kini bisan nga giwagtang na ni Dept of Agriculture Sec Manny Pinol ang bird flu outbreak nga miigo sa Nueva Ecija ug Pampanga sa miaging Agosto ning tuiga.
Gibutyag ni NMIS regional director Dra Angie Barcelona nga dugang pakisusi ang himoon sa ilang national office rason nga malangan pa ang pag-release niini sa kompanya nga nanag-iya niini.
Una nang gipaniguro ni Barcelona nga luwas ang kalidad sa mga karneng manok nga gikan sa Bulacan apan nadiskobre nga giingong nagbaton sa depekto ang mga dokumento niini pagsulod dinhi sa syudad.
