CAGAYAN DE ORO CITY – Giangkon ni Northern Mindanao Medical Center o NMMC chief Dr Jose Chan nga nagkulang sa suplay sa surgical mask ang ilang mga health personnel.
Siya miingon nga anaa sa kapin 1,000 ka empleyado sa ospital ang gikinahanglan nga moggamit sa mask matag-adlaw aron maprotehiran ang ilang kaugalingon batok sa COVID-19.
Nagpahimangno si Chan nga molungtad lamang sa walo ka oras ang paggamit sa mask ug angayan na kining ilabay sa basurahan.
Sa pagkakaron, pabilin nga nangita’g supplier sa surgical mask ang maong ospital.
Nanawagan usab si Chan sa publiko nga dili na moggamit sa mask ang walay gibateng sakit aron dili mosamot ang kakulang sa suplay niini.
