CAGAYAN DE ORO CITY – Namugos ang Northern Mindanao Medical Center o NMMC nga wala matakdi sa coronavirus disease ang 21 anyos nga lalaki nga gihatagan sa pag-atiman sa mga doktor ning panahona.
Kini human unang nagduda ang publiko nga nakuha sa maong pasyente ang sakit ilabina nga COVID-referral hospital sa rehiyon ang NMMC.
Miingon si NMMC media bureau representative Dr Bernard Rocha nga gamay lamang ang tsansa nga matakdan ang pasyente ilabina nga managlahi ang building sa Surgery ICU ug Emerging and Re-emerging Infectious Diseases ward.
Hisayran nga unang gidala sa NMMC ang pasyente niadtong Abril dihang nakabaton sa fractures ug acute spinal cord injury ayha gibalhin sa private hospital.
Nasuta nga nagpositibo sa virus gumikan sa iyang nasinatiang pnuemonia.
