CAGAYAN DE ORO CITY – Gikonsiderar na sa Northern Mindanao Medical Center o NMMC nga ‘omicron variant’ na ang nag-dominar sa bag-ong mga kaso sa COVID-19 dinhi sa dakbayan.
Miingon si NMMC Research & Devt head Dr Gina Itchon nga subay kini sa ilang nahuptan nga datos ilabina sa kapaspas sa pagtinakdanay sa mga tawo nga naadmit sa pipila ka ospital sa rehiyon.
Gibutyag niini nga wala nila kini sukad nasugat nga kapaspas sa kaso sukad misugod ang COVID sa rehiyon ug bisan sa panahon sa delta variant.
Siya miingon nga may gipadala na sila nga sample sa Philippine Genome Center sa kauluhan apan wala pa’y resulta nga nakabalik hangtod ning semahana.
Apan giklaro ni Itchon nga hulaton pa nila ang opisyal nga deklarasyon sa datos gikan sa PGC kabahin sa surge cases dinhi sa dakbayan.
Dumduman sa giisa sa IATF nga alert level 3,kabahin ang Cagayan de Oro,Iligan City,Misamis Oriental,Bukidnon,Misamis Occidental ug Lanao del Norte tungod sa taas nga mga kaso bayrus sukad pagsulod sa tuig 2022.
