CAGAYAN DE ORO CITY – Gikompirmar sa Northern Mindanao Medical Center o NMMC nga modangat dinhi sa syudad ang bakunang Sinovac nga gamiton nila pagbakuna sa ilang mga personahe sa adlaw’ng Biyernes.
Gibutyag ni NMMC liason officer Dr Bernard Rocha nga anaa sa mil- 400 ka doses sa Sinovac ang mahatag alang health frontliners nga nangatiman sa mga pasyente nga positibo sa COVID-19.
Namahayag si Rocha nga kon dunay ilang mga empleyado nga mobalibad sa bakuna ang gilayon usab kini nila ipagamit sa laing health medical frontliners nga nagdumala sa TTMF diin naka-house ang ubang mga pasyente nga positibo sa bayrus ning syudad.
Ang NMMC ang referral hospital sa Northern Mindanao nga dunay dako’g ihap sa bed capacity nga modawat sa mga pasyente nga natakbuyan sa bayrus.
Sa pikas bahin,misaka pa ang ihap sa mga tawo nga natakbuyan sa COVID-19 gikan sa lima ka probinsya ug pipila ka syudad sa Northern Mindanao.
Kini human gitaho ni City Health Office head Dra Lorraine Nery nga anaa sa 10-mil 991 ang total cases diin 387 ang nagsilbing death toll niini.
Namahayag si Nery nga nadugang ang 77 ka bag-ong kaso samtang may recoveries nga 9-mil 355 sa mga pasyente.
Samtang dinhi sa syudad,mitala na sa 3-mil 836 ang total cases nga naglakip sa 3-mil 464 recoveries;183 ang namatay.
Samtang 12 lamang ka bag -ong kaso sa bayrus ang nadugang sa syudad sukad kagahapong adlawa.
