CAGAYAN DE ORO CITY – Nahilot na ang giingong bangi tali kang on leave medical director Dr Jose Chan ug sa iyang asst director nga si Dr Ramon Moreno sa Northern Mindanao Medical Center o NMMC ning syudad.
Kini human mihimo’g closed door meeting si DoH-10 regional director Dr Adriano Suba-an sa NMMC officials sa miaging adlaw.
Miingon si NMMC liason officer Dr Bernard Rocha nga wala pa usa’y opisyal nga tubag si DoH Sec Francisco Duque III sa early retirement ni Chan.
Una nang naggawas ang report nga gibakwi na ni Chan ang pag-retiro human sila nahusay ni Moreno sa promotion issue sa pipila ka personahe sa maong ospital sa miaging semana.
