CAGAYAN DE ORO CITY –Tinguha sa Northern Mindanao Medical Center nga masugdan ang testing sa Covid-19 gamit ang GeneXpert sa rehiyon ugmang adlawa.
Kini human anaa sa NMMC ang mil- 140 ka cartridges gikan sa kauluhan alang sa maong katuyuan.
Miingon si NMMC media bureau representative Dr Bernard Rocha nga kasamtangang gibansay sa mga eksperto gikan sa Research Institute for Tropical Medicineug World Health Organization ang 24 ka medical technologist nga mohimo sa PCR training.
Samtang giangkon ni Rocha nga walay kaya ang Department of Health nga mohimo sa mass testing kontra Covid-19.
Kini gumikan kay may kaugalingong cartridges ang GeneXpert machine nga ilang gamiton sa testing ug limitado ang supplier niini.
Siya miingon nga anaa lamang 48 ka test matag adlaw ang kaya nga himoon sa maong ekipo.
Gani, nagpasalamat si Rocha tungod sa tabang syudad diin gihatagan sila sa’g third reverse transcription polymerase chain reaction machine alang sa maong katuyuan.
Dugtong niini,intresado si City Mayor Oscar Moreno nga magpalit sa dugang testing kits alang sa coronavirus disease 19 nga magamit dinhi sa syudad.
Miingon si Moreno nga motabang siya sa Department of Health nga makahimo sa mass testing batok sa makamatay’ng sakit.
Nagtoo ang alkalde nga usa ang testing nga makasulbad sa takod sa bayrus.
Una nang gipasalig ni Moreno nga magpalit sa ikatulo nga real-time polymerase chain reaction machine isip dugang sa testing capacity sa rehiyon-10.
