CAGAYAN DE ORO CITY – Nakahakot na sa 12 ka medalya ang mga atleta sa Northern Mindanao Regional Athletic Association (NMRAA) sa Palarong Pambansa 2025 sa Laoag City,Ilocos Norte sulod ning adlawa.
Kini gilangkuban sa unom ka golds, usa ka silver ug lima ka bronse gikan sa nagkadaiyang sports events nga giapilan sa NorMin Stars players.
Gibutyag niDepartment of Education – Cagayan de Oro sports coordinator Jerry Taruc nga kabahin sa nakahimo’g gold medal win si Khint Gimarangan alang sa Athletics partikular sa long jump sa elementary boys diin siya atleta gikan sa Valencia City,Bukidnon.
Nakahimo usab sa gold medal win sa secondary boys alang sa Pencat Silat event nga si Randzel Del Mar gikan sa Iligan City.
Gipun-an pa kini sa laing medalyang bulawan human sila Xia Lao ug Shawna Isong sa lligan City ang milampos sa Pencat Silat-Ganda Doubles Secondary Girls.
Nakasakmit na usab sa pinakaunang gold medal ang Misamis Oriental pinaagi ni Mary Janella Tan alang sa Chess- Blitz Individual sa elementary girls category.
Nagka-gold na usab ang dulang arnis sa NMRAA diin si Euricka Galye Tictic sa Malaybalay City,Bukidno ang nakahimo niini ubos sa individual double baston sa secondary girls.
Napuno ang silver medals ni Wyvrnn Azzy de la Cruz ug Japeth Judy Palo sa Malaybalay City alang sa Taekwondo Poomsae-Mixed sa elementary boys category.
Nakatala usab sa dugang atletang bronse ang laing mga atleta sa NRMAA.
Kini gilakipan nila ni Baby Gryll Alforo sa Lanao del Norte alang sa discuss throw sa secondary girls category sa Athletics; Krystal Marydane Deguiñon sa Taekwondo-Free style Poomsae elementary girls category; Keith Adrianne Ilar sa El Salvador,Jonas Fuerlan Labaja sa Iligan City ug Cassey Miguel Tabamo sa Malaybalay City alang sa Chess-Blitz Team Event Secondary Boys category;Mary Janella Tan,Janin Dhrey QuereQuere pulos taga-Misamis Oriental alang sa Chess-Blitz Team Event Elementary Girls category ug Liam Reilley Rubio ingon man Precious Vern Babatido alang sa Taekwondo -Poomsae- Mixed Secondary Boys category sa Iligan City.
Gilauman nga mausab pa ang ihap sa mga medalya sa pagpahigayon sa Palarong Pambansa ugmang adlawa.
