CAGAYAN DE ORO CITY-Nakadugang sa mihatag sa medalyang bulawan ang multi-awarded Cagay-anon Taekwondo player nga si Michael Porras sa Northern Mindanao Regional Athletics Association o NMRRA sa Palarong Pambansa 2018 sa Vigan City.
Kini human nasakmit ni Porras ang unang bulawan sa maong dula.
Miingon si NRMMA regional record incharge Rossana Adaya nga laing medalya ang natunol sa dulang tennis hinungdan nga nagbaton na sa siyam ka bulawan ang rehiyon.
Gilauman nga makadugang sa gold medals ang mga boksidor gikan sa rehiyon diin siyam kanila ang dunay dula ning adlawa.
Samtang,nagsilbing inspirasyon ni arnis player Shaira Bonita gikan ning syudad ang ginikanan niini aron huptan ang upat ka medalyang bulawan sa palaro ning tuiga.
Kini ang gibutyag ni Bonita diin siya ang unang atleta nga nakahatag sa gold medal alang sa rehiyon.
Miingon si Bonita nga angay i-balanse lamang sa kabatan-unan ang pag- eskuwela ug paglambigit sa extra curricular activities sama sa sports aron makab-ot nila ang pangandoy niini sa kinabuhi.
