CAGAYAN DE ORO CITY- Misaka na sa lima ka mga bulawan nga medalya ang natigom sa Northern Mindanao Regional Athletics Association o NMRAA sa nagpadayon nga Palarong Pambansa sa Davao City.
Si Rodel Quitat,chairman sa Recort and Documentation Committee sa NMRAA miingon nga gawas sa gold medal,nakatigom usab ang mga atleta sa rehiyon sa 15 ka silver medal samtang 15 ka bronze medal sa nagkadaiyang sports events.
Maoy nakakuha sa gold medal sila si Lunale Jorie Sumatra- St Mary School sa Cagayan de Oro sa Taekwondo- Kyorugi Light Middle Weight;Nimrod Montera sa La Salle University sa Ozamiz City kinsa back-to back gold medalist sa swimming.
Nagbaton usab sa gold medal si Jamaica Kate Saligan sa Misamis Oriental sa Balingasag,Misamis Oriental sa 400 meters hurdle elementary level.
Samtang gold medalist usab si Paulo Pandoma sa javelin throw sa Valencia City,Bukidnon.
