CAGAYAN DE ORO CITY – Gi-dominar sa atletang si Randzel Del Mar ang male category sa Pencak Silat aron isaka pa sa laing kadaugan sa gold medal ang Northern Mindanao Regional Athletics Association (NMRAA) sa ika-65 nga Palarong Pambansa sa Laoag City,Ilocos Norte.
Kini nga gold medal maoy ikatulo nga pinakadakong kadaugan sa NMRAA pinaagi sa maayong performance ni Del Mar sa national games ning tuiga.
Sumala sa NMRAA nga makahuluganon ang kadaugan ni Del Mar kung isubay sa tradiyong Griyego.
Kini tungod kay ang numero tres, nagsimbol sa harmonya,kaalam ug kadaugan diin nahuptan sa NMRAA.
Gihulagway usab sa delegasyon nga gikan sa kakugi sa pagbansay-bansay ni Randzel ngadto sa kadaugan, ang maong kadaugan testament sa kusog ug pagsilbing pokus sa tahas nga gidala sa NMRAA sa tinuig nga nasudnong-dula didto sa Lanao del Norte.
Hisayrang sulod sa unang adlaw sa Palarong Pambansa, naghupot na sa tulo ka gold medals ang NorMin Stars nga gilakipan ni Kent Gimarangan alang sa long jump nga gikan sa Valencia City, Bukidnon ,Francis Joenel Cuabo sa dulang taekwondo gikan sa Iligan City ingon man ni Del Mar ug may bronze medals sa laing mga dula.
