Gipahibalo ni Reginaldo Guillen, ang Nutrition Program Coordinator sa National Nutrition Council Region 10, ang kamahinungdanon sa koneksyon sa kinaiyahan ug nutrisyon dungan sa kasaulogan sa National Nutrition Month karong bulana.
Sa iyang mensahe, nagpadayag siya og kabalaka tungod kay nisaka ang stunting rate sa Northern Mindanao gikan sa 25 ngadto sa 27 porsyento, hinungdan nga nanawagan siya og mas hugot nga kolaborasyon sa publiko aron masumpo kini.
Gipasabot usab sa opisyal nga ang tema nga Likas-Kaya nagpasabot nga natural lang sa mga lumulupyo ang pag-amping sa palibot ug pagkaon og masustansyang pagkaon aron makab-ot ang malungtarong kalamboan.
Sa pagtapos sa kalihokan, giawhag ni Guillen ang tanan nga magtinabangay sa mga tree planting activity isip usa ka paagi sa pagseguro nga ang umaabot nga henerasyon makapahimulos sa usa ka himsog nga palibot ug sustenidong sistema sa pagkaon.
