CAGAYAN DE ORO CITY – Napatay sa kapolisan ang no.3 drug personality provincial level sa gihimong drug buy-bust operation sa Zone 1-B, Brgy Lingion, Manolo Fortich, Bukidnon.
Giila ang napatay nga si Valentino Abejo, 33-anyos ug residente sa maong lugar.
Miingon si Maj Noel Cano,hepe sa Manolo Fortich Police Station nga nakamalay ang subject nga pulis ang iyahang nabaligyaan sa illegal nga droga busa kalit kining midagan ug mitago sa luyo sa iyang balay.
Dugang ni Cano nga may dala nga 38 revolver si Abejo,busa nahitabo ang binayloay sa bala ug nagresulta sa kamatayon niini.
Narekober sa crime scene ang kapin P40-mil sa gitoohang shabu ug kwarta nga anaa sa P25-mil.
