CAGAYAN DE ORO CITY, Philippines – Miapelar si Father Nathan Lerio,overall chairman sa 128th plenary assembly sa Catholics Bishops Conference of the Philippines o CBCP sa publiko ug mga deboto sa St Agustin Cathedral ug Divine Mercy Church nga mosubay sa gabayan nga ipatuman sa kapolisan sa ipahigayong dakong misa sa 121 ka obispo sa duha ka dakong simbahan sugod ning adlawa.
Sa exclusive interview sa Bombo Radyo, namahayag si Lerio nga limitado lang ang ihap sa mga tawong makasulod sa misa.
Gawas niini, gi-awhag sa pari ang tanan sakop sa prensa nga dili supakon ang gisabutang “media protocol”.
”Tumong niini nga dili babagan ang mga obispo sa ilang pag-gawas alang sa paglusad sa ambush interview ug hulaton ang gitahasan nga moatubang sa media.Kini aron mamintinar ang kahapsay sa ikaduhang tigom sa CBCP sa El Salvador City ug dinhi sa syudad.”
Hisayrang una nang gipasabot ni Lerio sa pag-atubang sa prensa sa city hall sa miaging adlaw nga limitado lang ang kasayuran nga malugwa nila subay sa CBCP protocols samtang ipatuman ang highest level ang plenaryo-asembliya ning syudad.
