CAGAYAN DE ORO CITY – Miani sa dugang mga pagsaway gikan sa katawhan ang daw walay konsultasyon nga pagpirma sa pipila ka kongresista gikan sa syudad ug lalawigan batok sa impeachment complaint ngag giatubang ni Vice Pres Sara Duterte sa senado.
Kini human kuwestiyona sa grupong Maisug Northern Mindanao ang aksyon sa mga kongresista nga wala nangunsultang daan sa ilang mga distrito aron makuha ang pulso sa katawhan ayha sila mihimo sa paghukom batok kang VP Sara.
Miingon si Maisug Northern Mindanao member Tes Padla nga maglisod pagdawat ang katawhan sa nahimong mga hukom sa maong mga kongresista rason nga gibatikos sila sa social media.
Sa 14 ka kongresista sa rehiyon,anaa na sa 12 kanila ang mipabor nga paphaon sa katungdanan si Inday Sara.
Hisayrang pinakaulahi nga miapas si Lanao del Norte 1st District Cong. Khalid Dimaporo nga kabahin sa 25 ka kongresista nga pinakaulahi nagsuporta sa impeachment ni VP Sara.
