Gipukaw ang halapad nga kilos-protesta sa Estados Unidos batok sa administrasyon ni Presidente Donald Trump, nga gitambongan sa gibanabana nga 5 hangtod 6.5 milyon ka katawhan.
Miingon si Marissa Pascual, Bombo International Correspondent sa USA, daghang mga Amerikano ang nagtuo nga si Trump nagpakaaron-ingnon nga usa ka hari ug diktador.
Base sa usa ka survey, 54% sa mga tinubdan ang miingon nga diktador siya, samtang 44% ang nagtuo nga nagdula siya og papel isip usa ka hari.
Ang protesta gipangulohan sa mga Demokratiko, nga nag-akusar kang Trump sa paglapas sa iyang mga katungod ug gahum isip presidente.
Ang “No King’s Day” protest, nga gihimo sa kapin 2,700 ka rally sa tibuok nasud, usa sa mga nag-unang kalihukan batok sa administrasyon. Samtang nagpadayon ang government shutdown, liboan ka mga trabahante sa gobyerno ang naapektuhan.
Gibutyag usab ni Pascual nga sa panahon sa administrasyon ni Joe Biden, wala kini makahatag og dakong kalamboan, ug gikatam-awan gihapon ang Amerika sa mata sa tibuok kalibutan
