CAGAYAN DE ORO CITY – Gi-depensa sa Police Regional Office 10 kon nganong pakyas nila mapugngan ang sunod-sunod nga pagpatay sa ilang duha ka pulis nga nakadestino sa Camp Alagar ning syudad.
Kini human unang gitoohan nga posibleng dunay liquadation squad nga naporma ug nakasulod sa syudad diin target ang mga pulis ug ubang sakop sa kagamhanan.
Gihimo ni PRO -10 spokesperson Capt Francisco Sabud Jr ang pag-depensa sa daw inotil nga pagsulbad sa kapolisan sa pagpusil-patay kang Patrolman Roy Aguas niadtong Disyembre 2020 ug kang Cpl El John Capawa sulod lamang ning bulana.
Miingon si Sabud nga wala usab nila isalikway ang panganti sa CPP-NPA nga gipa-aktibo ang ilang liquadation squad apan padayon ang pag-imbestigar nila sa kamatayon ni Aguas ug Capawa.
