Gipakalma sa Department of Energy (DOE) ang lapad nga kabalaka sa publiko batok sa hulga sa pagnihit sa supplay sa lana sa Pilipinad.
Miabiso ang ahensya sa mga lakang batok sa hoarding tungod kay aduna na silay temporaryo ug tukmang tubag sukad napailawom sa State of National Energy Emergency ang nasud.
Gipasalig sa ahensya nga walay basihanan ang panic buying ug stockpiling tungod kay kontrolado pa ang suplay sa lana.
Ang mga giya ipatuman dayon ug magpabilin hangtod molungtad ang energy emergency, gawas kung bawi-on sa DOE.
Kini nga lakang kabahin sa mas lapad nga UPLIFT program nga gilunsad ni Presidente Ferdinand R. Marcos Jr. aron atubangon ang epekto sa krisis sa Middle East.
Ang gubat sa rehiyon nakaapekto sa global energy markets ug naghulga sa pagsaka sa presyo sa lana ug pagkaon sa Pilipinas.
Tumong sa DOE nga mapreserbar ang kalig-on sa suplay samtang nagpadayon gihapon ang market-based oil industry framework sa nasud.
