CAGAYAN DE ORO CITY-Magbayad sa P3-mil nga multa ang mga mamaligyaay nga mohatag sa plastic bag sa ilang mga kustomer.
Kini kun ugaling mapatuman na ang “no plastic policy” sunod tuig.
Matud ni Engr. Armen Cuenca, office head sa City Local Environment and Natural Resources Office nga ila ng gipahibalo ang mga negosyante nga dili na mamalit sa plastic bag ug ipahurot na lang ang ilang mga pondo.
Mag-atubang usab sa multa nga P2,500 ang mga residente nga masapon nga magpataka og labay sa ilang mga basura dinhi sa syudad.
Si Engr. Cuenca miingon nga anaa usab sa P500 ang multa sa mga masapon nga maglabay og bottled water, ice wrapper, candy wrapper ug opos sa sigarilyo.
Maoy gitugotan nga makapangdakop mao ang mga Barangay tanod, civic organization nga naay konsepto sa solid waste ug uban pa nga mga grupo.
