CAGAYAN DE ORO CITY – Gipadayag sa libuang mga sakop sa Iglesia Ni Cristo o INC ang ilang hangyo sa nasudnong gobierno nga magkahiusa ug dili pamulitika ang itigbabaw samtang anaa sa nagkadaiyang posisyon.
Kini ang tipik sa daghang placards nga gisundayag sa INC members sa Northern Mindanao nga midagsa sa amphitheater sa Plaza Divisoria isip tubag sa ilang kadagkuan nga nagkagitom usab sa Quirino Grandstand sa kauluhan.
Makita usab sa placards sa INC members ang pagka-dismaya nga imbis pagpalambo sa nasud ang prioridad sa gobierno,personal ug pagpamintaha na hinoon ang mitigbabaw.
Kini ang rason nga maisugon sila nga misanong sa natl peace rally aron dunggon usab ang tingog sa INC -Northern Mindanao.
Una nang dakong supak ang INC nga ipalagpot sa katungdanan si Vice Pres Sara Duterte pinaagi sa impeachment proceedings sa kamarabaha ug senado.
Nagsumikad ang ilang lakang sa unang pahayag ni Pres Bonbong Marcos nga dili na angay mag-usik sa panahon ang kamarabaha sa pagpalagpot kang Sara kay wala kini mahatag nga ikaayo sa nasud.
Dugtong niini,nagtaas alerto ang Police Regional Office 10 kabahin sa INC movement nga gihimo sa sentrong bahi sa dakbayan.
Gani, alayon usab kini sa lakang ni City Mayor Rolando ‘Klarex’ Uy nga paluyuhan ang kalihukan sa INC pinaagi sa pagpaggamit sa venue diin makahimo sila sa mga pag-ampo sa ikalinaw sa nasud.
Una nang gisuspenso ang trabaho sa city hall ug walay pagklase sa mga tinun-an gikan sa elementarya hangtod sekondarya aron dili mahasol sa grabeng paghuot sa trapiko.
Hisayrang namahayag ang INC-Northern Mindanao nga dili moubos sa 30-mil nila ka sakop ang moduyog sa kalihukan ning adlawa.
