PORMAL nang pasakahan sa kaso ang kapin 20 ka mga indibidwal nga nalambigit sa iskandalo sa Department of Public Works and Highways (DPWH).
Kini ang gibutyag ni Ombudsman Jesus Crispin Remulla dihang gitakda sa ahensya ang Nobyembre-11 isip “target date” sa pagpasakag kaso.
Subay sa imbestigasyon, nasuta nga adunay lig-ong mga ebidensya nga mutudlo sa kamatuora nga adunay “ghost projects,” substandard nga trabaho, ug pagpanikas sa pondo nga nagkantidad sa binilyones-pesos.
Una nang mitin-aw ang Independent Commission for Infrastructure o ICI nga dili sila ang awtorisado sa pagsang-at sa reklamo apan, igo lamang kini murekomendar sa kaso ngadto sa proper courts sama sa Office of the Ombudsman.
