Gi-kumpirmar sa International Criminal Court (ICC) nga nagpagawas sila sa warrant of arrest batok kang Senador Ronald “Bato” dela Rosa nga may kalabotan sa iyang papel sa “war on drugs” sa administrasyon ni kanhi Presidente Rodrigo Duterte.
Gibutyag ni ICC Spokesperson Oriane Maillet nga ang maong warrant “sekreto” nga gi-isyu sa Pre-Trial Chamber I niadtong Nobyembre 6, 2025, apan karon pa kini na-kumpirmar human mikaylap ang maong dokumento sa media.
Kasamtangan na kining gi-proseso sa korte aron hingpit nga ma-unseal ug maduso ang opisyal nga kopya ngadto sa publiko ug sa mga awtoridad.
Gihimo kining lakang sa ICC aron pormal nga mapahibalo ang tibuok kalibutan sa nagpadayong imbestigasyon sa giingong “crimes against humanity” sa panahon ni Duterte.
