Giaghat na sa grupong Philippine Amalgamated Supermarket Association o PASA ang mga kumprador nga mohimo na’g sayo nga pagpamalit sa noche products kon anaa na ang ilang igong pondo alang niini.
Kini samtang anaa sa barato ang presyo sa maong mga produktu ug aron makalikay usab sa pagpunsisok sa daghang katawhan sulod sa mga tindahang ug naghinobrang trapik sa kadalanan.
Gihimo ni PASA Executive Director Steven Cua nunot sa gitakdang paglugwa sa Dept of Trade Industry o DTI sa listahan sa mga produkto nga ipaubos sa suggested retail price o SRP.
Siya miingon nga samtang mosaka ang demanda o panginahanglan sa katawhan sa maong mga produkto,lauman ang pagsaka sa presyo niini sa mga mosunod nga adlaw.
Hisayrang sagad sa mga iandam nga putahe sa matag-holiday season ang pagkaong Pinoy nga naglakip sa hinam-is ug daghan pang uban.
