Gikondena sa Northern Mindanao Federation of Transport Service Cooperative o NOMFEDTRASCO ang padayon nga pagtaas sa presyo sa petrolyo tungod sa tension sa Middle East ug nanawagan nga madali ang pag-release sa fuel subsidy alang sa mga modern ug tradisyonal nga jeepney units.
Sumala kang Luzminda Escobidal, presidente sa kooperatiba, nag-file na sila ug petition for provisional fare increase aron matabangan ang transport sector nga makasustain sa operasyon.
Giingon ni Escobidal nga posibleng moabot na sa P90 kada litro ang presyo sa fuel ug dili na kini kaya sa mga drayber ug operator, busa kinahanglan nga ma-aprubahan ang temporaryong increase sa pasahe.
Giingon usab niya nga nakig-koordinar sila sa chairman sa fuel subsidy aron mahatag dayon ang tabang sa transport operators, samtang gipaabot ang dugang supplemental budget para sa service contracting sa modernized jeepneys.
Gipahibalo sa kooperatiba nga ang desisyon sa provisional fare increase kinahanglan ipahibalo sa transport sector aron mahatagan dayon og solusyon ang epekto sa global tension sa presyo sa krudo.
Gi-emphasize ni Escobidal nga importante nga madali ang action sa gobyerno samtang nagpadayon ang kasamtangang kahimtang sa Middle East.
Ang NOMFEDTRASCO nag-awhag sa mga myembro ug publiko nga masabtan ang kahimtang sa transport sector ug suportahan ang mga lakang aron mapadayon ang serbisyo sa kustomer. (by James Oliver)
