CAGAYAN DE ORO CITY – Giakusahan sa grupong Northern Mindanao Federation of Transport Cooperatives o NOMFEDTRASCO ang grupo ni United Drivers Association o UNIDA Pres Joel Gabatan nga fixer ngadto sa individual jeep operators ning syudad.
Kini ang pagbulgar ni NOMFEDTRASCO chief executive officer Luzminda Escobidal ngadto sa maong grupo nga padayong misupak sa modernization progam sa gobierno.
Miingon si Escobidal nga dakong matabang ang transport cooperatives itandi sa mga operator o drayber nga walay lig-on nga kahugpungan.
Samtang gitambagan ni Gabatan ang grupo ni Escobidal nga magpokus na lang sa ilang serbisyo ngadto sa publiko.
Kini kon tinud-anay nga dako na sila’g kinitaan sukad mosulod sa transport cooperatives kay gimando sa gobierno.
Miingon si Gabatan nga walay basehan apan pagguba lang sa ilang grupo ang gihimo NOMFEDTRASCO kay nabulgar ang tinud-anay nga kolor sa pipila ka kooperatiba nga nagpasabot paglisod sa mga kabus nga mga drayber.
