CAGAYAN DE ORO CITY- Gipildi ni undefeated Japanese boxing champion Naoya Inoue si four time world champion Nonito Donaire Jr sa ilang away sa Japan kagabii.
Kini human napakita ni Naoya ang pinaka-impresibo nga performance batok kang Donaire diin nasakmit niya ang kadaugan pinaagi sa unanimous decision.
Naangkon ni Naoya ang World Boxing Super Series title pinaagi sa score cards nga 116-111, 117-109 ug 114-113.
Sa early rounds,kulbahinam ang sinukliay sa kinomo sa duruha diin samdan si Naoya samtang nakaluhod usab si Donaire.
Tungod niini,pabiling walay pildi si Naoya sa iyang 19 ka away diin 16 ang knockouts samtang si Donaire may 40 ka daug,26 knockouts ug unom na ang pildi.
