CAGAYAN DE ORO CITY-Gi-welcome sa National Commission on Muslim Filipinos o NCMF-10 ang deklarasyon nga martial law ni Pres Rodrigo Duterte dinhi sa Mindanao.
Gibutyag ni NCMF regional director Atty Ogie Gandamra nga paghatag proteksyon ang gihimo ni Pres Duterte sa kadaghanan batok sa mga terorista nga naglihok sa Mindanao.
Una usab niini,gikondenar sa mga abogado gikan sa syudad ug Misamis Oriental ang pagpangatake sa Maute terror group diin daghang sibilyan ang nadamay.
Gibutyag usab ni IBP Misamis Oriental-Cagayan de Oro chapter president Atty Ed Cuaresma nga angay bantayan ang mga lihok sa mga otoridad atol sa martial law aron dili ma-abusuhan ang kamanduan ni Duterte.
