CAGAYAN DE ORO CITY-Mibati’g kabalaka ang daghang Kuwaiti nationals sa hangyo ni Pres Rodrigo Duterte nga ipapauli na ang tanang Pinoy workers nga nakabase sa Kuwait.
Miingon si Bombo international correspondent Sia Villoce nga mas pabor kini nga mouli sa nasud aron makalikay sa kasuko sa Kuwaiti govt sa mga Pinoy nga anaa sa Kuwait.
Dugang ni Villoce nga nabahin usab ang baruganan sa mga Pinoy ilabina nga nabalaka ang uban kanila sa ilang panginabuhian kon mouli na sa Pilipinas.
Nasayran nga kanunay nang ipatuman ni Pres Duterte ang deployment ban sa OFWs sa Kuwait tungod sa dili maayo nga pagtratar sa pipila ka Kuwaiti nationals sa Pinoy workers.
