CAGAYAN DE ORO CITY – Nagpadala sa dugang puwersa ang Office of the Civil Defense 10 alang sa pagtabang sa dakong trabahuon nga nagtumong sa paspas nga pag-rekober sa kahimtang sa katawhan sa Bicol Region ug ubang bahin sa Luzon.
Kini tungod sa grabeng damyos nga gibilin sa bagyong Kristine nga mikalas na sa halos 50 ka tawo epekto sa mga pagbaha.
Miingon si OCD 10 regional director Antonio Sugarol ang naghangyo sa buhatan ni City Mayor Rolando ‘Klarex’ Uy pinaagi sa CDRRMD ug opisina ni Tagoloan Mayor Atty Nadya Emano- Elipe gamit ang MDRRMO alang sa maong katuyuan.
Gawas sa maong syudad ug lungsod,gihangyo usab ni Sugarol ang Philippine Coast Guard-Cagayan de Oro District Northern Mindanao sa susamang katuyuan.
Sa maong misyon,gihangyo ang tulo ka contingents nga molungtad sa duha ka semana aron makaabag sa panginahanglan sa OCD 5 nga naglisod tungod sa grabeng kadaot sa maong bagyo.
