CAGAYAN DE ORO CITY – Molig-on pa ang kahimtang sa ekonomiya sa Northern Mindanao partikular sa Cagayan de Oro City ug Misamis Oriental sugod ning tuiga ug sa umaabot pa.
Kini tungod sa direktang mga pagbiyahe na sa mga barko nga kargado sa agro-industrial products gikan sa local exporterts padulong sa kanasuran sa South East Asia ug Middle East countries.
Gihimo ni Phividec Industrial Estate administrator Jose Gabriel “Pompee” La Viña ang rebelasyon tungod sa pagsulod sa Thailand based Regional Container Lines o RCL sa Mindanao Container Terminal o MCT sa Tagoloan,Misamis Oriental.
Miingon si La Viña nga ang sinimana nga pagbiyahe sa RCL karga ang regional-based export products ang dako’g tabang aron mapadali paghidangat sa Singapore nga magsilbing transhipment hub ayha mahidangat sa ubang kanasuran nga naglakip sa India ug Pakistan.
Hisayrang mismo si Eagle Express General Manager Marlon Isah de Guzman nga agent sa RCL ang nakighimamat sa kadagkuan sa Phividec alang sa maong katuyuan kagahapong adlawa.
