CAGAYAN DE ORO CITY – Supak si Cagayan de Oro 2nd District Rep Rufus Rodriguez sa hukom nga gi-suspenso sa mayoriya sa kamarabaha ang mga sesyon sa Kamarabaha.
Gibulgar ni Rodriguez nga gidali-dalig pag-aprobar ang 4.5 milyon pesos nga proposed budget nga wala pa mahuman ang pagdungog sa ubang departamento sa gobierno.
Miingon si Rodriguez nga dili unta kini ang angay mahitabo ilabina nga petsa 15 pa unta sila sa Oktubre mag-adjourn sa ilang regular sessions.
Gitumbok sa kongresista nga ang away sa liderato ni Speaker Alan Peter Cayetano ug Marinduque Rep Lord Alan Velasco ang rason sa pagdali-dali’g adjourn sa ilang mga sesyon.
Samtang ma-hostage lamang ang 2021 propose national budget nga usa sa mga kuhaan sa dakong pondo sa pakigbatok sa epekto sa coronavirus disease sa nasud.
Kini ang pagtoo sa ilado nga political analyst Ramon Casiple sa kalit pag-suspenso sa regular sessions sa Kamarabaha tungod sa pag-ilogay ni Cayetano ug Velasco sa posisyon.
Miingon si Casiple nga gihunong sa mayoriya ang mga sesyon kay dunay angay resolbahon nga problema sa nasapar nga 4.5 trilyon pesos nga pondo ubos sa Kamarabaha.
Nagtoo usab kini nga posibleng magamit ang 2020 reencated budget kon pakyas masulbad ni Pres Rodrigo Duterte ang pag-ilogay sa duha niya ka kaalyado.
Apan nagtoo si Bukidnon 4th District Rep Rogelio Roque nga may igo pa nga oras aron matuki sa ensakto ang ipasar nga pondo alang sa tuig 2021.
Kini human unang gipasar ang 4.5 trilyon pesos nga pondo ug gilayong gisuspenso ang mga sesyon aron magpabiling speaker sa Kamarabaha si Cayetano.
Apan miingon si Roque nga unta gisunod ni Cayetano ang term-sharing nila ni Velasco aron dili mawala ang ilang kredelidad isip mga magbabalaod.
