CAGAYAN DE ORO CITY-Gihagit ni Pres Rodrigo Duterte ang mga gobernador ug mayores nga mokanaug sa ilang mga puwesto kon dili nila kaya mahatag ang serbisyo nga gikinahanglan sa katawhan sa mga lugar nga gidumala niini.
Gihimo ni Duterte ang hagit dungan sa pagbahad nga angay ihunong na sa pipila ka local govt unit officials ang daw pagpangulipon sa mga barangay kapitanes ug bisan kapolisan masunod lamang ang ilang kagustuhan.
Miingon si Duterte nga dili niya gusto nga moabot pa sa bayolenteng aksyon ang iyang himoon hinungdan gipaabot kini niya sa duha ka mayor ug lima ka gobernador sa katiguman sa syudad kagabii.
Samtang gilayong tukion sa naglangkob sa Regional Peace and Order Council o RPOC-10 ang kamanduan ni Duterte nga gipaabot niini sa mga local govt official dinhi sa rehiyon.
Kini human kabahin si RPOC chairman City Mayor Oscar Moreno,Gov Bambi Emano ug laing local chief executive officials ang gipatambong sa dayalogo sa mga brgy kapitan sa syudad kagabii.
Miingon si Moreno nga gusto niya nga magsumikad usab mismo sa syudad ang pagtuman sa mando ni Duterte ilabina sa pakigbatok sa kreminalidad ug gidiling droga.
