CAGAYAN DE ORO CITY – Gikompirmar ni DILG regional director Arnel Agabe nga dunay local govt unit officials ug pipila ka punong brgy nga ubos sa PNP ug NBI investigations dinhi sa rehiyon.
Kini human gimando sa DILG central office nga ipaubos sa imbestigasyon sa alegasyon sa anomaliya pag-release sa Social Amelioration Program o SAP subsidy sa mga apektadong pamilya epekto sa coronavirus disease.
Miingon si Agabe nga daghan sila’g nadawat nga reklamo kabahin niini ug gilayon nila usab gipasa sa taas aron mapaubos sa ebalwasyon ug ma-imbestigaran.
Una nang gikompirmar ni DILG Undersecretary Martin Diño nga dunay lima ka brgy ning syudad ang kabahin sa giimbestigaran tungod sa maong reklamo.
