CAGAYAN DE ORO CITY – Dili angay pakuratan apan hinay-hinay ang ipatuman nga adjustments sa mga kalihukan ilabina sa aspeto sa ekonomiya ug panglawas sa syudad.
Kini ang pagpasabot ni City Mayor Oscar Moreno kon ugaling wad-on na niini ang community quarantine nga gipatuman sa dakbayan.
Miingon si nga dako’g kadaot ang coronavirus disease rason nga dili usab angay dali-dalion ang pagbalik sa kon unsa man ang naandam ngakalihukan sa katawhan.
Gilimitahan ang kalihukan sa katawhan ingon man sa mga negosyo sa syudad samtang wala pa mahupay ang bahad sa bayrus.
Sa pikas bahin,mag-agad lamang ang mga opisyal sa ihatag nga guidelines sa national nga hingpit na gayud mawala ang gipatumang general community quarantine nga epekto sa coronavirus pandemic.
Gibutyag ni Valencia City Mayor Azucena Huervas nga ila unang obserbahan ang kahimtang sa ilang lokalidad kung may matala pang kaso sa COVID-19.
Dugang ni Huervas nga dili nila wagtangon ang community quarantine kung may matala pa gihapong positibo sa bayrus sa ilang lugar.
Dugtong niini,pabor si Mayor Dandan Chan sanga dili una tangtangon ang gipatumang Community Quarantine sa mga lugar sa tibuok nasud ilabina sa Medina,Misamis Oriental.
Miingon is Chan nga kon siya ang pabut-on gusto niyang ipadayon ang quarantine ilabina nga padayong nagsaka ang kaso sa COVID-19 positive sa tibuok Pilipinas.
Dugang ni Chan nga ilang ipadayon ang precuationary measure nga gihatag sa DOH sama na lamang sa social distancing ug pagsuot sa mga face mask.
